მობილური ტელეფონების შესახებ ეკლესიური შეხედულება

თანამედროვე ადამიანთა, უპირველეს ყოვლისა კი მართლმადიდებელ ქრისტეანთა მიჩვევა მობილური ტელეფონებისადმი, აუცილებელი სიფრთხილისა და სიფხიზლის დაქვეითებას იწვევს. ხშირად ნახავ უბრალოდ უმსგავსო საქციელს, რაც გამოიხატება ღვთისმსახურების დროს ტაძრიდან გამოსვლისა თუ გამორბენის სცენას, დემონსტრატიულ ლაპარაკს ტაძარში მდგომ ერისკაცთა თუ კლერიკოსთა დასში მყოფთა შორის. ამგვარი საქციელის ანალიზი ცხადყოფს, რომ ქრისტეანმა აუცილებლად უნდა აღზარდოს საკუთარ თავში თვითკრიტიკული დამოკიდებულება (ამის შესახებ საკმაოდ ბევრს წერენ ამბა დოროთე და ღირ. იოანე კიბისაღმწერელი), შეადაროს თავისი მოქმედება წმიდა მამათა სწავლებას ლოცვის დროს ყურადღებისა და ეკლესიაში დგომის შესახებ, რადგან ამ დროს ადამიანი თვით ღმერთს ელაპარაკება და გაიაზროს, რამდენად მკრეხელურია ღმრთის წინაშე ამგვარი მოქმედება.

ასეთ შემთხვევაში ტელეფონი ყოველდღიური აუცილებლობისა და ცხოვრებისეული თანაშემწის საგნიდან, სულის წარმწყმედელ იარაღად გარდაიქცევა. ადამიანის სულიდან იდევნება ყველაზე უმთავრესი - ღმრთის შიში და მოწიწება, იწყება ცნობიერების რღვევის კატასტროფიული პროცესი, რომელიც გაამსოფლიურებად ან სულიერ გადაგვარებად იწოდება. ეს კიდევ ერთხელ ადასტურებს მობილურ ტელეფონებზე არსებულ იმ ობიექტურ ინფორმაციას, რომელიც მოცემულ სტატიაშია გადმოცემული. ჩვენი პირადი კატასტროფა კიდევ იმაში მდგომარეობს, რომ ძალზედ ხშირად ვხდებით საღმრთო მადლის გამნიავებლები და სრულიად უგრძნობელნი ვხდების მის მიმართ.

სინანული ქრისტეანის ცხოვრების საფუძველია. ის არის სწორი სულიერების არსებითი ნიშანი. ხოლო კრიტიკული თვითშეფასების გარეშე, საკუთარ ბიწიერ და ვნებისმიერ მიდრეკილებებთან ბრძოლის გარეშე სინანული შეუძლებელია. მშობლები, რომლებსაც ღმრთის წინაშე უდიდესი პასუხისმგებლობა გააჩნიათ თავიანთი შვილების აღზრდისთვის, უფლება არ გააჩნიათ უგულისხმონი იყონ იმისდა მიმართ რასაც აკეთებენ და რით ერთობიან ბავშვები. და თუკი მშობლები, სხვების მიბაძვით, თავიანთ შვილებს მობილური ტელეფონებისკენ აქეზებენ, ამით ისინი უბიძგებენ მათ ერთგვარი "ვირტუალური სამყაროსკენ" და უფლებას აძლევენ მშობლებისგან დაფარული, თავიანთი ცხოვრებით იცხოვრონ.

არადა ცოდვისადმი ინტერესს, რომელიც მოზარდებს ახასიათებთ, მობილური ტელეფონი მხოლოდ აღვივებს და ისინი ბინძურ საქმეებში "საბოლოო გამარჯვებამდე" მიჰყავს. აღარაფერს ვამბობთ უკვე სხვა არანაკლებად მნიშვნელოვან საკითხზე, როგორიცაა მოზარდთა ხორციელი და ფსიქიური ჯანმრთელობა, რომელთაც მობილური და კომპიუტერული ტექნიკა, მათი არასწორი, გაუფრთხილებელი და არაზომიერი გამოყენებით, სასტიკად ანგრევს. ღმერთმა ქნას, რომ ძალიან საინტერესო წინამდებარე მასალის წაკითხვის შემდეგ, მშობლებმა და მოზარდებმაც გამოიჩინონ აუცილებელი ქრისტეანული ყურადღება და გულისხმიერება. 

http://www.apocalypse.ge/sxv_mobiluri_telefonebis_shesaxeb.html

მობილური ტელეფონი ჯანმრთელობისთვის მავნებელია

ჯანდაცვის მსოფლიო ორგანიზაცია საზოგადოებას მობილური ტელეფონების იშვიათად გამოყენებისკენ მოუწოდებს. ხანგრძლივი კვლევების შედეგად სპეციალისტებმა დაადგინეს, რომ მობილური ტელეფონის ხშირი გამოყენება ტვინის სიმსივნის რისკს ზრდის.

კვლევებზე 14 ქვეყნის 31 ექსპერტი მუშაობდა. მათი განცხადებით, ფიჭური ტელეფონი ადამიანის ჯანმრთელობისთვის ისეთივე მავნებელია, როგორც ტყვია, ქლოროფორმი და ყავა, რადგან სამივე რისკის კატეგორიას მიეკუთვნება.

http://www.rustavi2.com/news/news_textg.php?id_news=41817&pg=1&im=main

ნომოფობია-XXI საუკუნის დაავადება

ნიმოფობია"-ეს ტერმინი 2008 წლიდან დამკვიდრდა ბრიტანელი მკვლევარების მიერ, როგორც ადამიანის მღელვარების აღმნიშვნელი, რომლისთვისაც მობილურ ტელეფონზე მიწვდომა შეზღუდულია."no-mobile-phone phobia.”თავიდან ამ ფაქტს დიდი ყურადღება არ მიაქციეს, მაგრამ ამჟამად წმინდა სამედიცინო თვალსაზრისით ეს "ფობია" ფსიქიატრიული დაავადება-"ირაციონალური შიშია." მობილურ ტექნოლოგიებზე ყველაზე დამოკიდებულები 18-24 წლის ახალგაზრდები აღმოჩნდნენ.კვლევამ აჩვენა, რომ 17% მაშინაც კი განიცდის მღელვარებას და დისკომფორტს როცა მას რამდენიმე წუთით შორდება.მღელვარება გამოიხატება იმაშიც, რომ მას არასოდეს შეუძლია მობილურის გამორთვა, ყოველ წამს ამოწმებს sms-ებს, ელექტრონულ ფოსტას, ზარებს, ნერვიულობს როცა ელემენტი უჯდება.ნომოფობიის მქონე პაციენტები ტელეფონს მაშინაც კი არ იშორებენ, როცა ტუალეტში შედიან, შედეგად ადამიანის დაფანტული აქვს ყურადღება, იგი კონტაქტური აღარ არის გარშემომყოფებთან, მისთვის რეალური შეხვედრა და ადამიანთან ცოცხლად საუბარი უფრო მეორეხარისხოვანია, ვიდრე მობილურით კონტაქტი. ნომოფობიით დაავადების გამო, უკვე ადამიანის გარდაცვალების ფაქტებიც ჩნდება.18 წლის აარონ დევიუ საჭესთან მჯდარი sms-ებს აგზავნიდა, რის შედეგადაც ადამიანი გაიტანა და მოკლა. სპეციალისტების რჩევაა, ვისაც სურს, რომ ნომოფობიის მსხვერპლი არ გახდეს, მობილური ტელეფონი კვირაში ერთხელ მაინც გათიშოს რამდენიმე საათით.


http://intermedia.ge/%E1%83%A1%E1%83%A2%E1%83%90%E1%83%A2%E1%83%98%E1%83%90/19929-%E1%83%9C%E1%83%9D%E1%83%9B%E1%83%9D%E1%83%A4%E1%83%9D%E1%83%91%E1%83%98%E1%83%90-XXI-%E1%83%A1%E1%83%90%E1%83%A3%E1%83%99%E1%83%A3%E1%83%9C%E1%83%98%E1%83%A1-%E1%83%93%E1%83%90%E1%83%90%E1%83%95%E1%83%90%E1%83%93%E1%83%94%E1%83%91%E1%83%90/112/user:%E1%83%90%E1%83%A0%E1%83%90%E1%83%A9%E1%83%90%E1%83%9C%E1%83%93%E1%83%90:show:channel

რა შედეგი მოყვება მობილურზე საუბარს

ალბათ გაგიგიათ, რომ მობილური ტელეფონის გამოსხივება ტვინის კიბოს, თირკმელების გადაგვარებას, ლეიკოზს თუ სხვა ათას უბედურებას იწვევს. იმასაც გაიგებდით რომ ამ თემასთან დაკავშირებით არაერთი კვლევა ჩატარებულა, მაგრამ ვერცერთი კვლევა საბოლოო დასკვნას ვერ იძლევა. რამდენად საზიანოა და საზიანოა თუ არა საერთოდ მობილური ტელეფონით სარგებლობა ადამიანის ჯანმრთელობისთვის დღემდე უცნობია. სულ ცოტა ხნის წინ, ჯანდაცვის ეროვნულმა ინსტიტუტმა (National Institutes of Health) ერთ-ერთი ასეთი კვლევა ჩაატარა მობილური ტელეფონის 50 მომხმარებელზე. კვლევის შედეგად აღმოჩნდა, რომ 50 წუთის ტელეფონზე საუბრის შემდეგ ადამიანის ტვინის ის ნაწილი, რომელიც ტელეფონთან ყველაზე ახლოს იმყოფება საგრძნობლად აქტიურდება. ეს საზიანოა თუ სასარგებლო ჩვენი ტვინისთვის ჯერ-ჯერობით უცნობია


http://teqnologia.wordpress.com/tag/%E1%83%9B%E1%83%9D%E1%83%91%E1%83%98%E1%83%9A%E1%83%A3%E1%83%A0%E1%83%98/

მობილური ტელეფონის ელექტრომაგნიტური გამოსხივების ზეგავლენა ადამიანზე

საქართველოს კომუნიკაციების ეროვნულმა კომისიამ მობილური ტელეფონის ელექტრომაგნიტური გამოსხივების ზეგავლენა შეისწავლა. კვლევის მიზანს წარმოადგენდა მობილური ტელეფონის  გამოსხივებული ელექტრომაგნიტური ენერგიის მავნე გავლენის და დასაშვები ნორმების  შესახებ  საზოგადოებისთვის რჩევების მიცემა და ასევე, ელექტრომაგნიტური გამოსხივებისაგან თავდაცვის ღონისძიებების შესახებ მოსახლეობის ინფორმირება


http://icode.ge/tag/%E1%83%A2%E1%83%94%E1%83%9A%E1%83%94%E1%83%A4%E1%83%9D%E1%83%9C%E1%83%98/

ვისაც ტელეფონი არ აქვს, გარიყულები რჩებიან.

ხშირია შემთხვევები, როცა მობილური ტელეფონის, ტანსაცმლის მიხედვით ბავშვები ერთმანეთს არჩევენ და მეგობრებსაც ამის მიხედვით აფასებენ. როგორც წესი, მეგობრობა უფრო იმ ბავშვებთან უნდათ, ვინც მატერიალურად უზრუნველყოფილია და, შესაბამისად, კარგი ტელეფონი აქვს და კარგად აცვია. ის ბავშვები კი, ვისაც ტელეფონი არ აქვს, გარიყულები რჩებიან.


http://www.google.ge/imgres?um=1&hl=ka&sa=N&tbo=d&tbm=isch&tbnid=sIg9MePYD25gDM:&imgrefurl=http://iramura.wordpress.com/2012/03/24/%25E1%2583%25A2%25E1%2583%2594%25E1%2583%25A5%25E1%2583%259C%25E1%2583%2598%25E1%2583%2599%25E1%2583%2590-%25E1%2583%2593%25E1%2583%2590-%25E1%2583%2591%25E1%2583%2590%25E1%2583%2595%25E1%2583%25A8%25E1%2583%2595%25E1%2583%2594%25E1%2583%2591%25E1%2583%2598/&docid=o2fUKcXQ7mxd8M&imgurl=http://iramura.files.wordpress.com/2012/03/tanamedrove_bavsvebi.jpg&w=350&h=246&ei=fFcBUc-4COr44QSBrIHQBQ&zoom=1&iact=rc&dur=449&sig=114105871501284388306&page=1&tbnh=140&tbnw=213&start=0&ndsp=45&ved=1t:429,r:25,s:0,i:154&tx=132&ty=103&biw=1777&bih=840

ნოდარ წიწილაშვილის ინტერვიუ

ბოლო რამდენიმე თვეა, ბავშვი "აიფოუნის" ყიდვას მთხოვს. მე არ მინდა მას ტელეფონი ჰქონდეს, რომლის ფასი 1000 ლარს აღემატება. ვინმემ შეიძლება წაართვას. ჯერ ბავშვსაც ძალიან შეეშინდება და მერე ფულიც მენანება. 200-300-ლარიანი ტელეფონი სრულიად საკმარისია. თუ რამე გაუჭირდება, დაგვირეკავს და გაგვაფრთხილებს. ტელეფონს მის ასაკში სხვა დანიშნულება არც უნდა ჰქონდეს", - ამბობს ნოდარ წიწილაშვილი.
http://www.resonancedaily.com/index.php?id_rub=5&id_artc=1269

მოზარდები მობილურ ტელეფონებს აქტიურად იყენებენ

 საქართველოში და მსოფლიოს დანარჩენ ქვეყნებში მოზარდები მობილურ ტელეფონებს აქტიურად იყენებენ. იაფიანი ტელეფონები ბევრი მსურველისთვის ხელმისაწვდომია. უმეტეს შემთხვევაში, მშობლები ექიმებისა და მეცნიერების გაფრთხილებებს ყურადღებას არ აქცევენ და ბავშვებისთვის ტელეფონებს ყიდულობენ.
  საჯარო სკოლებში გაკვეთილების განმავლობაში მობილური ტელეფონებით სარგებლობა აკრძალულია, თუმცა დასვენებების დროს მოსწავლეები მობილური ტელეფონებით თავისუფლად სარგებლობენ.
  ზოგიერთი მშობელი პრობლემას ვერ ხედავს იმაში, თუ მის შვილს მობილური ტელეფონი ექნება. ისინი ყურადღებას უფრო მობილურის ფასზე ამახვილებენ. ძვირადღირებული ტელეფონების ყიდვას იმიტომ ერიდებიან, რომ ეშინიათ ვინმემ არ წაართვას. სხვა პრობლემას ისინი ამაში ვერ ხედავენ.
  ნოდარ წიწილაშვილს 10 წლის შვილი "აიფოუნის" ყიდვას სთხოვს. ნოდარი თავს მხოლოდ იმიტომ იკავებს, რომ ამ ტელეფონების ფასი საკმაოდ მაღალია: "მობილური ტელეფონი როგორც ნებისმიერ ზრდასრულს, ისე ბავშვსაც სჭირდება. არის ხოლმე შემთხვევები, როცა ბავშვს გაკვეთილები უცდება და ადრე უნდა მივაკითხოთ წამოსაყვანად. სკოლაში ეს საკითხი საერთოდ არ აღელვებთ და შეიძლება ქალაქის ტელეფონიდან დარეკვის საშუალება არც კი მისცენ მოსწავლეებს. 

მობილური ტელეფონები - საფრთხე ბავშვებისთვის

მობილური ტელეფონების მავნებლობაზე ბევრს ლაპარაკობენ. ექიმებისა და მეცნიერების ნაწილი არ დავობს იმ ფაქტზე, რომ მობილურების გამოყენება ადამიანის ჯანმრთელობაზე უარყოფითად მოქმედებს.
  შვედი მეცნიერები ახალ დასკვნამდე მივიდნენ. მათ საერთაშორისო კონფერენციაზე "მობილური ტელეფონები და ჯანმრთელობა" გააკეთეს განცხადება, რომ მობილურების გამოყენებით ბავშვებში ტვინის სიმსივნის რისკი ხუთჯერ იზრდება. დაავადება, შესაძლოა, მაშინვე არ გამოვლინდეს და მოგვიანებით იჩინოს თავი.
  შვედი მეცნიერების ამ მოსაზრებას ქართველი ექიმებიც იზიარებენ. ასოციაცია "ჯანმრთელი სამყაროს" სამედიცინო ექსპერტის ზურაბ ფუტკარაძის განცხადებით, მობილურების ელექტრომაგნიტური გამოსხივება უარყოფითად მოქმედებს ადამიანის ჯანმრთელობაზე. მისი თქმით, მოზარდებში ნერვული სისტემა ჯერ კიდევ ჩამოუყალიბებელია, რაც რისკებს უფრო ზრდის.